Oticon
Heyrnartækni er umboðsaðili fyrir danska fyrirtækið Oticon sem er einn elsti, stærsti og virtasti heyrnartækjaframleiðandi í heiminum.
Oticon hefur allt frá upphafi verið í fararbroddi í þróun heyrnartækja og byggir starfsemi sína á vísindarannsóknum og nýsköpun með ríka áherslu á þarfir notenda.
Saga Oticon
Hans Demant var danskur frumkvöðull sem lagði grunn að einu áhrifamesta heyrnartækjafyrirtæki heims. Hvati hans var persónulegur: eiginkona hans, Camilla Demant, missti heyrnina á unga aldri. Hans Demant leitaði lausna til að hjálpa henni að taka þátt í daglegu lífi og samskiptum.
Árið 1904 útvegaði hann Camillu eitt af fyrstu heyrnartækjum heims og hóf í kjölfarið að þróa heyrnartæki í Danmörku. Þetta markaði upphaf fyrirtækisins Oticon, sem frá fyrstu tíð byggði starfsemi sína á umhyggju, nýsköpun og raunverulegum þörfum notenda.
Heyrnartæki sem breyta lífi fólks
Oticon þróar og framleiðir heyrnartæki fyrir einstaklinga með allar gerðir heyrnarskerðingar, allt frá vægri til alvarlegrar.
Sem leiðandi aðili í hönnun og framleiðslu heyrnartækja þá knýr Oticon stöðugt fram tækninýjungar sem byggja á byltingarkenndum rannsóknum á heyrnarskerðingu, hugrænni heilsu og almennri vellíðan.
Nýjungar í heyrnartækjum frá Oticon hafa sýnt fram á raunverulegan ávinning fyrir heyrnartækjanotendur.
