Heyrnartækni er fyrsta einkarekna heyrnartækjastöðin á Íslandi og hóf starfsemi í júní 2001. Við erum leiðandi í þjónustu við heyrnarskerta á landsbyggðinni og höfum frá árinu 2002 þjónustað fjölda staða fyrir utan höfuðborgarsvæðið.
Heyrnartækni er fjölskyldufyrirtæki og hjá okkur starfar samhentur hópur sem hefur áratuga reynslu af greiningu og meðferð heyrnarskerðingar. Starfsfólk Heyrnartækni sinnir reglulegri endurmenntun sem felst meðal annars í þátttöku á námskeiðum, ráðstefnum og lestri fræðigreina.
Heyrnartækni er annt um persónuvernd og leggur því ríka áherslu á að vernda persónuupplýsingar sem við meðhöndlum í starfsemi til að tryggja lögmæta notkun þeirra.
