Þarf ég heyrnartæki?
Heyrir þú illa í fjölmenni eða klið? Finnst þér aðrir tala óskýrt eða hváir þú oft? Með því að smella á hlekkinn hér fyrir neðan þá getur þú nálgast einfalt heyrnarpróf. Hlekkurinn leiðir þig inn á heimasíðu Oticon og prófið er á ensku.
Við ráðleggjum þér að nota heyrnartól og vera í hljóðlátu umhverfi meðan þú tekur prófið. Niðurstaðan getur gefið vísbendingar um hvort þörf sé á að leita sér aðstoðar og bóka tíma í heyrnarmælingu.
Næstu skref
Ef þú upplifir erfiðleika við að heyra í daglegum aðstæðum og niðurstaða heyrnarprófs bendir til þess að þú sért hugsanlega með skerta heyrn þá ráðleggjum við þér að hafa samband við okkur og bóka tíma í heyrnarmælingu.
Heyrnarfræðingarnir okkar geta greint hvort þú sért með heyrnarskerðingu sem tímabært er að meðhöndla. Í framhaldinu getum við stillt á þig heyrnartæki til prufu.
Hvernig hljómar heyrnarskerðing?
Á heimasíðu Oticon má nálgast einfaldan hermi fyrir heyrnarskerðingu. Þú getur hlustað á þrjú hljóðdæmi og fært stikuna til hægri til að „heyra“ hvernig versnandi heyrn hefur áhrif á það hvernig fuglasöngur, talmál eða tónlist hljómar.
