Greiðsluþátttaka og styrkir

Greiðsluþátttaka

Sjúkratryggingar Íslands (SÍ) veita styrki vegna kaupa á heyrnartækjum. Styrkur er veittur á fjögurra ára fresti. Skilyrði fyrir greiðsluþátttöku eru eftirfarandi: Umsækjandi er 18 ára eða eldri og sjúkratryggður á Íslandi og tónmeðalgildi á betra eyranu er ≥30 dB til <70 dB.

Fjárhæð styrks er:

  • 50.000 kr. ef keypt er tæki í annað eyra
  • 100.000 kr. ef keypt eru tæki í bæði eyru

 

Aðrir styrkir og uppbót á lífeyri

Styrkur frá stéttarfélögum

Fjölmörg félagasamtök og stéttarfélög veita styrk vegna kaupa á heyrnartækjum. Hafðu samband við stéttarfélagið þitt til að kanna hvort þú eigir rétt á styrk vegna kaupa á heyrnartækjum.

Uppbót á lífeyri

Heimilt er að greiða uppbót á lífeyri eftir ákveðnum reglum.  Nánari upplýsingar má finna á heimasíðu Tryggingastofnunar.