Hvað er BrainHearing?

Þú heyrir með heilanum … ekki eyrunum!

Heyrn og sér í lagi talskilningur krefjast vitrænnar úrvinnslu. Eyrun taka á móti hljóði en það er heilinn sem vinnur með hljóðupplýsingarnar og gefur þeim merkingu. Í hvert sinn sem einhver hljóð vantar þá reynir heilinn að fylla upp í eyðurnar og oft reynist það erfitt og þreytandi. Góð heyrn snýst ekki eingöngu um að heyra hljóð nógu vel. Góð heyrn snýst um að hjálpa heilanum að skilja hljóðin sem þú heyrir. Þess vegna hefur Oticon fært nálgun sína í þróun á heyrnartækjum frá „eyru fyrst“ yfir í „heilinn fyrst“.

Að heyra betur með minni áreynslu á heilann

Hefur þú einhvern tímann hugsað: „Ég heyri ágætlega ef ég einbeiti mér nógu mikið.“ Eða: „Heyrnartækin mín eru ágæt en ég þreytist oft þegar ég nota þau.“

Það reynir meira á heilann að átta sig á merkingu þess sem sagt er ef hann fær ekki nóg af hljóðupplýsingum til að vinna úr. Með BrainHearing tækninni þá fær heilinn upplýsingar frá öllu hljóðrýminu sem gerir honum keift að einbeita sér að mikilvægustu hljóðunum. BrainHearing er einstök tækni í heyrnartækjum frá Oticon, hönnuð til að hjálpa heilanum að vinna betur úr hljóðupplýsingum.

BrainHearing tæknin frá Oticon

Þegar hljóð berst inn í eyrun og nær til heilans þá eiga sér stað fjórar grundvallar aðgerðir til að gefa hljóðinu merkingu. BrainHearing tæknin í heyrnartækjum frá Oticon var þróuð til að styðja við það hvernig heilinn starfar og vinnur úr hljóðum:

  1. Staðsetja hljóð með því að nota bæði eyrun
  2. Aðgreina ólík hljóð
  3. Einbeita sér að því sem skiptir máli
  4. Þekkja hljóðin og fá úr þeim merkingu

Baráttan við elliglöp

Þekkt er að lífsstílstengdir þættir eins og hreyfingarleysi og reykingar geta aukið áhættu á elliglöpum. Nýlegar rannsóknir hafa leitt í ljós að ómeðhöndluð heyrnarskerðing er einn af þeim þáttum sem tengjast aukinni áhættu á elliglöpum.* Því verri sem heyrnin er, þeim mun meiri eru líkurnar á elliglöpum. Þó að engin heyrnartæki geti læknað elliglöp eða veitt eðlilega heyrn aftur þá hjálpa þau við að halda heilanum í formi.**


* Lin et al. (2011). Compared with normal hearing, increased risk of dementia.
** Amieva et al. (2015). Self-Reported Hearing Loss, Hearing Aids, and Cognitive Decline in Elderly Adults: A 25-Year Study. Journal of the American Geriatrics Society. Vol. 63, Issue 10; 2099-2104